Жаңалықтар

«Жұлдызды жауын» шеруі

«Оқыса бала сұңқар болар, Жүзден жүйрік, мыңнан тұлпар болар» деп Нармамбет ақын жырлағандай бүгін зияткерлік сайыстарындағы өз жүйріктеріміздің жұлдызы жарқыраған күн. 17 мамыр күні №69 мектеп-гимназиясында дәстүрге айналған «Жұлдызды жауын» мерекесі өтті.

2013/2014 оқу жылында республикалық, қалалық, аудандық деңгейде білім, өнер, спорттық сайыстарда жүлделі орын алған 96 оқушы жұлдызды шеруге қатысты. Салтанатқа келген ата-аналарға, балаларға берген өнегелі тәрбиесі үшін мектеп-гимназия директоры О.Ж. Конкабаев «Алғыс хат» тапсырды. Ата-аналар өз балаларының қолымен жасалып, ұйымдастырылған көрмеден «Ғылым күніне» арналған жобалар және қол өнер заттарымен танысып, өз ризашылықтарын білдірді.