Жаңалықтар

«Кластерлер - білім беру ұйымдарының табыстылығын дамытудың инновациялық нысаны» республикалық семинар

«Кластерлер - білім беру ұйымдарының табыстылығын дамытудың инновациялық нысаны» республикалық семинар.

2019 жылғы 14 ақпанда Астана қаласы әкімдігінің №22 «Әлем» балабақшасының базасында «Кластерлер - білім беру ұйымдарының табыстылығын дамытудың инновациялық нысаны» тақырыбында республикалық семинар өтті.
Семинардың мақсаты - инклюзивтік білім беру тұжырымдамасына сәйкес ерекше білім беруді қажет ететін балаларды жалпы білім беру ортасында балалармен бірге «толыққанды тарту» оқыту, ынтымақтастық, ортақ тәжірибемен алмасу. Балаларды қалыпты ортаға бейімдеу.
«Инклюзивті білім беру» кластерінің жетекші балабақшасы - №22 «Әлем» балабақшасы, әріптес балабақшалар - №23 «Алтын бесік» және №25 «Таңшолпан».
Балабақша ұжымы Астана қаласының аудандарынан келген семинар қонақтарын ұйымдаса қарсы алды және №22 «Әлем» балабақшасының меңгерушісі Қ.К.Жолдасова кластер жұмысының презентациясын өткізді.