Жаңалықтар

«Адалдық дүкендері» жобасы

«Адалдық дүкендері» жобасы аясында Астана қаласы №64 мектеп-лицейінде оқушыларды сенім мен адалдыққа тәрбиелеудің бір нысаны ретінде «Адал буфет» ұйымдастырылды. Мұндағы басты мақсат адалдыққа тәрбиелеу. Буфетте қызмет көрсету өз-өзіне қызмет көрсету жүйесіне негізделді. Сенім толығымен сатып алушылардың өздеріне жүктелді. Буфетте арнайы есептеуіш машина, ұсақ ақша, ақша салуға арналған қорапша қойылды.. Керекті тауарды тұтынушы таңдап алып, ақшасын арнайы қорапшаға салып кетті. Ұйымдастырушылардың пікірінше бір қуантатыны барлық тауарлар адал сатылды. Осындай игі іс-шаралар болашақ ұрпақты ізгілікке тәрбиелеудегі оң қадамдардың бірі екендігі сөзсіз. Мұндай дүкендерді енгізу оқушыларымыздың жағымды моральдық қасиеттерін дамытып, парасаттылық пен адалдыққа баулуға бағытталған басты бастама деп білеміз.