Жаңалықтар

«Критериалды бағалау дегеніміз не?» тақырыбында ата-аналарға түсіндірме жұмыстары жүргізіледі.

Астана қаласы, №59 мектеп-лицейінде 2019 жылдың 2 ақпан күні , 10.00-де Астана қаласы Білім Басқармасына қарасты білім беру ұйымдарының қатысуымен «Критериалды бағалау дегеніміз не?» тақырыбында ата-аналарға түсіндірме жұмыстары жүргізіледі.

Қалалық бұл жоба Елбасы Н.Ә.Назарбаевтың Қазақстан халқына «Қазақстанның үшінші жаңғыруы: жаһандық бәсекеге қабілеттілік»атты Жолдауының бес басымдықтарын іске асыру жөніндегі тапсырмасын орындау мақсатында білім беру мазмұнын жаңарту аясында ұйымдастырылған.

Семинардың мақсаты мен міндеттері:

Критериалды бағалау жүйесі бойынша ата-аналарға түсіндірме жұмысы төңірегіндегі ойлар, тұжырымдамалар, сараптаулар туралы әңгіме қозғау, түсіндіру.

Семинардың мазмұны: семинар-коучинг барысында қалыптастырушы бағалау – оқушы мен мұғалім арасындағы кері байланысты қамтамасыз ететін және оқу үдерісі кезінде түзетуге мүмкіндік беретін бағалаудың түрі болып табылатындығын түсіндіру.