Жаңалықтар

МЕКТЕП ПРЕЗИДЕНТІ САЙЛАУЫ

Бүгін №81 "Astana English school" гимназиясында мектеп президент сайлауы болып өтті. Сайлауға 8 үміткер түсті. Олар: 10 "А" сынып оқушысы Нурмағанбетов Ерасыл, 9 "А" сынып оқушылары Отарбекова Аружан, Джундыбаева Тимеа, Болат Мұрагер, Сейтенова Жанель, 9 "Ә" сынып оқушылары Кульдиков Бақтияр, Сакенұлы Ислам, 8 "Ә" сынып оқушысы Байдұлла Шұғыла.
Гимназия директоры Садыкова Гүлнар Дінғуатқызы мектеп президентін сайлау рәсімімен құттықтап, бұл қызметтің өте жауапты екендігін, мектептің барлық шараларына қатысып, үлкен жауапкершілік алатындығын атап өтіп, үміткерлерге жеңіс тіледі.
Сайлауда мектеп оқушылары, ұстаздар және қызметкерлер де дауыс берді.
Сайлау кешкі 16:00-ге дейін созылды. Дауыс беру тоқтатылған соң сайлау комиссиясы дауыстарды куәгерлер көзінше санады. Сайлау қорытындысы бойынша 406 адам дауыс берген. Оның 350-і мектеп оқушылары болса, 56-сы ұстаздар. Нәтижесінде ең көп дауыс жинаған 9 «А» сынып оқушысы Джундыбаева Тимеа мектеп президенті атанды. Желтоқсанның 14- і күні мектеп президенті ресми таныстырылады. Мектеп президенті алдағы уақытта өзінің сайлауалды бағдарламасын жүзеге асыратын болады.

Жаңалықты мекеменің сайтында қарау

Жаңалықтар тізіміне көшу

Пікірлер