Жаңалықтар

Экскурсия «Қазақстан Республикасының Тұңғыш Президенті – Елбасы кітапханасы»

Тұңғыш Президент күні қарсаңында мектебіміздің 8 «А», 8 «Ә» сынып оқушылары Елбасының қандай кітаптар оқитынын, кітап оқыған кезде қандай қағидалар ұстанатынын және ол қандай оқырман екенін білу мақсатында «Қазақстан Республикасының Тұңғыш Президенті – Елбасы кітапханасына» экскурсияға барды. Онда керемет экскурсия жүргізуші Тұңғыш Президент кітапханасы туралы жан-жақты айтып қана қоймай, сол бір кітап мекенін мейлінше аралатты. Қазақстан Республикасының Тұңғыш Президенті – Елбасы кітапханасының қорында Н.Ә. Назарбаевтың жеке мұрағатындағы 20 мыңнан астам басылым мен 700 жәдігер жинақталған: олардың арасында мемлекет басшылары мен олардың ресми өкілдерінің сыйлықтары, Президенттің өз қаражаты есебінен алынған өнер туындылары және тарихи мәні зор құндылықтар оқушыларға естен кетпес әсер қалдырды.