Мектебіміздің салтанат залында Қазақстан Республикасы Тәуелсіздігінің 25 жылдығына орай бастауыш сынып оқушыларының қатысуымен патриоттық әндер кеші өтті. Үш тілде жүргізілген іс-шара көрермен назарын бірден өздеріне аударды. Оқушылар туған жер, Отан туралы әндер шырқап, мәнерлеп өлең оқып, көпшіліктің ықыласына бөленді. Мың бұралған биші қыздар да өнерлерімен тәнті етті. Кеш соңында мектебіміздің директоры Жакенбай Шәріпхан Қажытайұлы жиналған қауымды Тәуелсіздік күнімен құттықтап, кішкентай бүлдіршіндерге алғысын білдірді.