⚠️ ЖҰҚА МҰЗ — ӨМІРГЕ ҚАУІПТІ! Құрметті аудан тұрғындары мен қонақтары! Суық түсе бастағанда су айдындары біртіндеп мұзбен жабылады. Алайда алғашқы мұз өте жұқа әрі берік болмайды, сондықтан адамдардың өмірі мен денсаулығына үлкен қауіп төндіреді. Су айдынының беті берік болып көрінгенімен, адам салмағын көтере алмауы мүмкін. 🚫 Жазатайым оқиғалардың алдын алу үшін Астана қаласы ТЖД Алматы ауданының ТЖ басқармасы қауіпсіздік ережелерін сақтаудың қажеттігін ескертеді: 🔹 Жұқа әрі берік емес мұзға шықпаңыз. 🔹 Мұздың беріктігін аяқпен теуіп тексермеңіз. 🔹 Балалардың ересектердің қарауынсыз мұзға шығуына жол бермеңіз. 🔹 Балаларға су айдындарының маңында ойнауға рұқсат етпеңіз. 🔹 Қараңғы уақытта және көріну мүмкіндігі нашар кезде мұзға шықпаңыз. 🔹 Мұздың бір жеріне топ болып жиналмаңыз. ❗ Есте сақтаңыз! Бір адам үшін қауіпсіз мөлдір мұздың қалыңдығы кемінде 10 см болуы керек. Алайда мұздың қалыңдығы жеткілікті болғанның өзінде, ағысқа, температураның өзгеруіне және басқа да факторларға байланысты берік болмауы мүмкін. 🆘 Егер су айдынында болған оқиғаның куәгері болсаңыз, дереу 112 нөміріне қоңырау шалыңыз. Адамды өз бетіңізше құтқаруға тырысып, өз өміріңізге қауіп төндірмеңіз. Өзіңізді және жақындарыңызды қорғаңыз! Жұқа мұзға шықпаңыз! Өмір кез келген тәуекелден қымбат.
