Бүгін мектебімізде ерекше күн. Біз «Бастауыш сыныптар апталығының» ашылу салтанатына жиналып отырмыз. Бастауыш – білімнің іргетасы, тәрбие мен тәлімнің бастауы. Сондықтан бұл апталық – кішкентай шәкірттеріміздің білімін шыңдап, өнерін көрсететін, қабілетін танытатын маңызды кезең. Апталықтың басты мақсаты – оқушылардың пәнге деген қызығушылығын арттыру, шығармашылық қабілеттерін дамыту, ұйымшылдық пен белсенділікті қалыптастыру. Осы аптада түрлі ашық сабақтар, сайыстар, зияткерлік ойындар, көрмелер мен қызықты шаралар ұйымдастырылады. «Білімді ұрпақ – болашақ кепілі» демекші, әрбір шәкіртіміздің жетістікке жетуіне тілектеспіз. Апталық барысында баршаңызға сәттілік, көтеріңкі көңіл-күй және жарқын жеңістер тілейміз! Бастауыш сынып апталығы ашық деп жариялаймыз!
ВИДЕО КӨРУ
