15 желтоқсан күні мектебімізде «Тәуелсіздік – ең қымбат құндылығымыз» тақырыбында сынып сағаттары өткізілді. Сынып сағаттарының мақсаты – оқушыларға Қазақстан Республикасының Тәуелсіздік алу жолындағы тарихын таныстыру, ел егемендігінің маңызын ұғындыру, Отанға деген сүйіспеншілік пен патриоттық сезімді қалыптастыру, мемлекеттік рәміздерге құрметпен қарауға тәрбиелеу. Сынып сағаттары барысында Қазақстан Республикасының Тәуелсіздікке қол жеткізуі, егемен ел ретінде қалыптасу кезеңдері туралы мазмұнды ақпарат берілді. Тәуелсіздік – халқымыздың ғасырлар бойғы арманы, елдің еркіндігі мен бірлігінің, бейбіт өмірі мен жарқын болашағының кепілі екені атап өтілді. Оқушылар еліміздің жетістіктері, мемлекеттік рәміздер, ұлттық құндылықтар туралы мағлұмат алып, өз ойларымен бөлісті. Сынып сағаттары оқушылардың ел тарихына деген қызығушылығын арттырып, тәуелсіз елдің азаматы екендігін мақтаныш тұтуға тәрбиелеуге бағытталды.
ВИДЕО КӨРУ
