Бүгін мектеп парламенті ұжымы “Жолда жүру ережесі” бойынша бастауыш сынып оқушыларына арналған арнайы түсіндірме сабағын өткізді. Сабақтың негізгі мақсаты – бастауыш сынып оқушыларына жол қауіпсіздігі ережелерін үйрету, олардың күнделікті өмірде қауіпсіздік мәдениетін қалыптастыру және жолда өзін дұрыс ұстай білуіне ықпал ету болды. Оқушыларға бағдаршамның түстері, жаяу жүргінші өткелі, жол белгілері, тротуар мен жолдың айырмашылығы, қоғамдық көлікте және көше бойында өзін қалай ұстау керек екені туралы түсіндірілді. Сабақ барысында: қауіпсіздік туралы қысқа бейнеролик көрсетілді, оқушыларға түрлі жағдайлық сұрақтар қойылып, дұрыс шешім табуға бағыт берілді, жол белгілерімен танысуға арналған шағын тапсырмалар орындалды және қызықты ойын ұйымдастырылды. Оқушылар жол ережелерін қызығушылықпен тыңдап, белсенді түрде сұрақтар қойып, өз ойларымен бөлісті.
ВИДЕО КӨРУ
