Алтын күз — табиғаттың жарқын бояуға малынған, берекелі де молшылыққа толы ерекше мезгілі. Осы тамаша мезгілді қарсы алу мақсатында мектебімізде 4-сыныптар арасында «Алтын күз» атты сайыс өткізіліп, оқушылар өз шеберліктері мен шығармашылықтарын ортаға салды. Балалар түрлі-түсті, нәрлі, күзгі өнімдерден дәмді әрі пайдалы салат түрлерін дайындап, әсем сәнмен турап, ерекше үйлесіммен безендіріп, оның пайдасы мен дайындалу жолын көрермендерге таныстырды. Әрбір салат өзінің ерекше дәмі, сәнді көрінісі және витаминге бай құрамымен бағаланды. Сайыс қорытындысы бойынша сыныптар түрлі номинациялар бойынша марапатталды: «Ең дәмді салат», «Ең әдемі безендіру», «Ең пайдалы салат», «Көрермен көзайымы», «Шығармашылық шеберлік». Бұл сайыс балаларға ұйымшылдықты, еңбекті бағалауды және дұрыс тамақтанудың маңызын түсіндірді. Қатысқан барлық оқушыларға алғыс айтамыз!
ВИДЕО КӨРУ
