19 маусым күні мектебімізде «Мектебім, саған мың алғыс!» тақырыбында 11-сынып түлектеріне арналған аттестат тапсыру салтанатты жиыны өтті. Іс-шара Қазақстан Республикасының Мемлекеттік Әнұранымен басталды. Мектеп директоры Баймуратова Бану Әлімжанқызы құттықтау сөз сөйлеп, түлектерге сәт-сапар тіледі. “Алтын белгі” және “Үздік аттестат” иегерлері марапатталып, барлық оқушылар аттестаттарын салтанатты түрде қолына алды. Шара барысында оқушылар ән шырқап, сынып жетекшілер жылы лебіздерін білдірді. 11 «М» сынып оқушысы Аманбай Айзере 11-сынып оқушылары атынан мектепке арнауын жолдады. Сонымен қатар, мектептің қоғамдық өміріне республикалық деңгейде белсене қатысқан оқушылар да арнайы марапаттарға ие болды. Сонымен, 2025 жылғы мектеп бітіруші түлектеріміз өз қолдарына өмірлік маңызды құжат — аттестаттарын алып, жаңа өмірге қадам басты. Құрметті түлектер! Сіздерге жарқын болашақ, сәттілікке толы жол мен үлкен арманға бастайтын нық қадам тілейміз. Білімнің биік шыңын бағындырып, еліміздің абыройын асқақтататын азаматтар болуларыңызға сенеміз. Мектебіміз әрдайым сіздермен мақтанады.
ВИДЕО КӨРУ
