16 маусым күні «Jas қанат» мектеп жанындағы жазғы лагерінде балалар ән айтып, би билеп, өз өнерлерін ортаға салды. Осы күнге дейінгі ұйымдастырылған іс- шараларда ерекше белсенділік танытқан, алғыр да өнерпаз, жан-жақты ізденімпаз топтар арнайы марапаттарға ие болды. Қол моторикасын дамыту мақсатында ермексаздан әртүрлі бұйымдар жасалып, оқушылардың қиялы мен ұқыптылығы ұштала түсті. Сонымен қатар, жеке бас гигиенасы мен тіс тазалауға арналған медициналық сағат та өтті – бұл балалардың салауатты өмір салты туралы білімін тереңдетуге сеп болды. Шығармашылықты шыңдай түскен тағы бір маңызды шара – театрландырылған қойылым. Бұл балалардың ұйымшылдықпен жұмыс істеуіне, топтағы ауызбіршілікті арттыруға және сахналық шеберліктерін дамытуға зор мүмкіндік берді. Түрлі сергіту ойындары арқылы балалардың белсенділігі артып, көңіл- күйлері көтерілді. Біздің лагерьде әр күн – жаңа шабыт пен жаңа мүмкіндікке толы!
ВИДЕО КӨРУ
