20.03.2025 күні Ы.Алтынсарин атындағы №83 мектеп-гимназиясында Қазақстан Республикасы Оқу-ағарту министрлігінің бастамасымен “Күй күмбірі” республикалық домбырашылар челленджі өтті. Бұл шараның негізгі мақсаты – өскелең ұрпақты отансүйгіштікке тәрбиелеу, ұлттық мәдени мұраны сақтау және тарату, сондай-ақ домбыра өнерін насихаттау.
Челлендж барысында еліміздің барлық білім беру ұйымдарында бір уақытта екі миллионға жуық оқушы Құрманғазының «Балбырауын», «Адай», «Сарыарқа» және басқа да күйлерін орындады. Мысалы, Абай облысында 40 мың жас домбырашы осы челленджге қатысып, өз өнерлерін көрсетті.
Мектебімізде 100-ге жуық оқушы бір сәтте Құрманғызының «Балбырауын» күйін шертіп, осы іс-шараның бір бөлігіне айналды.
Бұл челлендж арқылы ұлттық музыканы дәріптеу, домбыра өнерін насихаттау және ұрпақтар сабақтастығын қамтамасыз ету көзделген.
