Инклюзивті білім беру– білім алу барлығына да қол жетімді деген қағидатқа негізделетін оқыту. Барлық балаларға мектепке дейінгі оқу орындарында, мектепте және мектеп өміріне белсене қатысуға мүмкіндік береді; оқушылардың тең құқығын анықтайды және ұжым іс-әрекетіне қатысуға мүмкіндік береді; адамдармен қарым-қатынасына қажетті қабілеттілікті дамытуға мүмкіндік береді.

2020 жылдың қыркүйек айында біздің мектебімізде Нұрсұлтан Назарбаев «Қамқорлық» қорының қолдауымен инклюзияны қолдау кабинеті ашылды. Кабинеттің қолдауымен бүгінгі күні білім алуда ерекше қажеттілігі бар 6 бала оқып жатыр. Әртүрлі диагноздармен 1,2 және 4 сыныптарда. Жалпы инклюзияны қолдау кабинеті 10 баланы қамти алады және толық жабдықталған. Мектепте арнайы тереңдету курсынан өткен 2 арнайы маман (дефектолог, психолог) педагогикалық білімі бар 6 педагог-ассистент жұмыс жасайды. Балалардың бір-бірімен еркін коммуникациялық қарым-қатынаста болуы үшін әр сыныпта білім алуда ерекше қажеттілігі бар бала саны 1-2ден аспайды.

Чтобы оставлять комментарии авторизуйтесь