Бүгін, 1 маусым - халықаралық балаларды қорғау күніне орай, Сырбай Мәуленов атындағы № 37 мектеп-лицейінің 7 «А» және 7 «Б» сыныбы оқушыларына арналған «Мен жас инспектормын!»/ «Я-юный инспектор!» атты онлайн-зияткерлік викторина ойыны ZOOM платформасында ұйымдастырылды. Ойынға 12 оқушыдан тұратын 2 команда және кәмелетке толмағандардың істері жөніндегі инспекторлар Рашидова Майра Маликовна және Абдуллина Роза Болатовна қатысты. Іс-шараның мақсаты оқушыларды жол белгілерімен, жолда жүру ережелерімен, жазғы демалыс кезіндегі қауіпсіздікті сақтау ережелерімен, Қазақстан Республикасының бала құқығы және міндеттері туралы құжаттармен таныстыру және бүгінгі мейрамдарымен құттықтау болды. Оқушылар ойын кезінде инспекторлардың көмегіне жүгініп, сұрақтарға бірге жауап берді. Іс-шараның соңында балалар кері байланысқа шығып, бұл ұйымдастырылған онлайн-ойын ұнағандары туралы пікірлерін білдірді.
