ТӘУЕЛСІЗДІК КҮНІ ҚАРСАҢЫНДАҒЫ ЕРЛІК САБАҒЫ

ТӘУЕЛСІЗДІК КҮНІ ҚАРСАҢЫНДАҒЫ ЕРЛІК САБАҒЫ

12 желтоқсан күні Сырбай Мәуленов атындағы №37 мектеп-лицейінде Тәуелсіздік күні қарсаңында «Айбын» президенттік полкының офицерлерімен кездесу өткізілді. 8-9 сынып оқушылары қатысқан бұл кездесу барысында «Айбын» президенттік полкының тәрбие жұмысы жөніндегі орынбасары Қамбар Қинаятұлы жас ұрпақтың Отан алдындағы борышы, патриоттық сезім мен адалдық, ата-анаға деген сүйіспеншілік пен құрмет тақырыбы аясында сөз қозғап, оқушыларды Тәуелсіздік күні мерекесімен құттықтады. Полк офицерлері өздерінен кейінгі өсіп келе жатқан іні-қарындастарына ағалық ақыл айта отырып, шығармашылық өнерлерімен бөлісті. Кездесу қорытындысында 9-сынып оқушысы Ислам Баимбетовке «болашақ ел қорғаны бол» деген ниетпен фурашка сыйға тартып, мектеп кітапханасына «Айбын жаршысы» журналын естелікке қалдырды.