ТҰҒЫРЫ БИІК ТӘУЕЛСІЗДІК!

ТҰҒЫРЫ БИІК ТӘУЕЛСІЗДІК!

Кең байтақ, көз жетпейтін жерім менің,
Таулы орман, жасыл жайлау көлім менің.
Бүгінде бар әлемге даңқың жетті,
Тәуелсіз Қазақстан – елім менің!

Сырбай Мәуленов атындағы №37 мектеп-лицейінде осы өлең жолдарымен басталған салтанатты шараға мектептің педагогикалық ұжымы, ата-аналар мен оқушылар қатысты. Алғашқы сөзді мектеп-лицей директоры Алмагүл Тлектесқызы алып, басты мемлекеттік мерекемен құттықтап, мереке қарсаңында «білім беру мен тәрбие саласына қосқан үлесі» үшін марапаттау жасады. Сондай-ақ, Қазақстан Республикасының Президенті Қасым-Жомарт Кемелұлы Тоқаевтың «Ерен еңбегі үшін» төсбелгісімен марапатталған ұстазымыз Аушахманова Амантай Тулегеновнаны бүгінгі марапатымен құттықтап, шығармашылық табыстар тіледі. Салтанатты шара оқушылар мен мұғалімдердің қатысуымен дайындалған мерекелік концертке ұласып, ән орындалып, жыр шашылды, күй тартыс арқылы елдің басты құндылығы дәріптелді. Кеш «Қазақстан» әнімен қорытындыланып, мектеп жастары ән жолдады.