«Абайлаңыз балалар!» жедел-профилактикалық іс-шарасы ұйымдастырылды.

2019 жылдың 9 желтоқсаннан 13 желтоқсанына дейін елорда жолдарындағы апаттар санын азайту және алдын алу мақсатында Нұр-Сұлтан қаласының аумағында «Абайлаңыз балалар!» жедел-профилактикалық іс-шарасы ұйымдастырылды. Сарыарқа ауданы, Нұр-Сұлтан қаласының ювеналды полиция бөлімінің қызметкері, полиция аға лейтенанты Кайпбеков А. Е. №80 мектеп-гимназиясында 4 сынып оқушыларымен ойын түрінде дәріс өткізді.
Дәріс соңында оқушыларға сыйлықтар мен грамоталар табысталды. Педагогикалық ұжымға жолдарда балалардың жарақаттануын болдырмауға арналған дәрістер мен ұсыныстар берілді.