«Мәңгілік ел»

15.12.2018 Астана қаласындағы №84 мектеп-лицейінде өткізілген "Ұлы даланың жеті қыры" атты онкүндіктің қорытындысы ретінде бүгін "Мәңгілік ел" тақырыбында салтанатты марапат өткізілді. Салтанатты іс-шара барысында Астананың 20 жылдығын қорытындылау мақсатында, мектеп басшысы Жусупова Зауре Гинаятқызы еліміздің гүлденуіне үлес қосумен қатар, бала тәрбиесіне де көңіл бөліп, оқу озаттары мен үлгілі, тәрбиелі ұл-қыз өсіріп отырған 20 ата-ананы «Үлгілі ата-ана» номинациясымен марапатталды. Сондай –ақ, «Жүзден жүйрік, мыңнан тұлпар» номинациясы бойынша халықаралық, республикалық, қалалық деңгейде жүлделі орындарға ие болып жүрген 20 оқушы марапатталды. Тәуелсіздік күніне орай мектебімізде өткізілген «Ұлы даланың жеті қыры» онкүндік барысында «Ғасырлар тоғысындағы Астана», «Достық көпірі» атты үздік ғимараттар макеттерін жасағаны үшін 20 сынып «Достық көпірінің жанашырлары» номинациясымен марапатталды. Салтанатты іс-шара соңында ата-аналар шексіз алғыстарын білдірді. Республикалық «Алтын домбыра» жүлдегерінің иегері Көпбосынов Өміржан Ғабдоллаұлы ата-аналар атынан жырдан шашу шашты.