«Рухани жаңғыру және алаш мұраты» халықаралық конференция

5  қараша күні Л.Н.Гумилев атындағы Еуразия ұлттық университетінде №48 мектеп-лицеймен бірлескен дәстүрлі «Ахмет Байтұрсынұлы оқулары» аясында «Рухани жаңғыру және алаш мұраты» атты халықаралық ғылыми-теориялық конференция өтті. Конференцияға университет проректоры, ҚР ҰҒА академигі, филология ғылымдарының докторы, профессор Дихан Қамзабекұлы, Қазақ әдебиеті кафедрасының меңгерушісі, ҚР ҰҒА академигі, филология ғылымдарының докторы, профессор Сейіт Қасқабасов, филология факультетінің деканы, филология ғылымдарының докторы, профессор Шолпан Жарқынбекова, №48 мектеп-лицей директоры З.Садықова, директордың ғылыми әдістемелік ісі жөніндегі орынбасары А.Момынқұлова қатысты. Сонымен қатар Түркия мен Башқұртстаннан шақырылған қонақтар Алаш қайраткерлері туралы өз ойларын ортаға салды.  Конференцияның мақсаты қазақ халқының біртуар перзенті ақын, әдебиет зерттеуші ғалым, түркітанушы, публицист, педагог, аудармашы, қоғам қайраткері Ахмет Байтұрсынұлының рухына тағзым ете отырып, Алаш қайраткерлерінің тағылымын ғылыми тұрғыдан зерделеу, Елбасы Н.Ә.Назарбаевтың «Рухани жаңғыру» идеясын жүзеге асыру.

Посмотреть новость на сайте учреждения

Вернуться к списку новостей

Комментарии