ҚАЗАҚСТАН РЕСПУБЛИКАСЫ ТҰҢҒЫШ ПРЕЗИДЕНТІ КҮНІНЕ АРНАЛҒАН 1-СЫНЫП ОҚУШЫЛАРЫ АРАСЫНДА «ӘКЕМ, ШЕШЕМ ЖӘНЕ МЕН» АТТЫ ЖАНҰЯЛЫҚ ЖАРЫС ӨТТІ

Мектеп пен отбасының, психологиялық қызмет пен ата-ананың өзара байланысының формалары мен әдістерін жетілдіру, мектеп пен отбасының бірлескен жұмысын жүйелеу, үйлестіру және кіріктіру мақсатында 1- сынып оқушылары арасында « Әкем, шешем және мен» атты жанұялық жарыс өтті.

Жарыс 6 түрлі бөлімнен тұрды. Сайысқа барлық команда қатысып, сынға түсті. Ата-ана - тәрбиенің шырағы екеніне көзіміз жетті. Барлық топта әкелер аса белсенділік танытты. Жер бетін құлпыртқан алқызыл гүлдер сияқты әр отбасы өз балаларымен іс-шараға көрік берді. Жарысқа қатысушылар ішінде: Қошановтар, Ибрагимовтар, Жакудаевтар, Абдиевтар, Сайдуалиевтар, Искаковтар отбасылары белсенділік танытты.

«Балапан ұяда не көрсе, ұшқанда соны іледі» деген нақыл сөз бар. Осы іс-шараны өткізу арқылы ата-ана мен мектептің ынтымақтастық педагогика шарттары, отбасы мәртебесін арттыруға ықпал ететін шығармашылық ісі әрекет жүзеге асты.

Сайыстың шартынан сүрінбей өткен сыныптар төмендегідей жүлдеге ие болды:

1 «Д» сыныбы І- ші орынды жеңіп алды. Сынып жетекшісі Абденова Қарлығаш Қазезқызы

1 «В» сыныбы ІІ- ші орынды жеңіп алды. Сынып жетекшісі Егешова Роза Үсенқызы.

1 «Б» сыныбы ІІІ- ші орынды жеңіп алды. Сынып жетекшісі Ахметқалиева Мара Жамбылқызы.

Отбасы-тәрбиенің бал-бұлағы,

Баланың жұмбақ мекен, бақ тұрағы.

Шаңырағы шаттық толы асыл мекен,

Жайқалсын жағасында көк тұрағы.