Елбасының "Болашаққа бағдар:рухани жаңғыру" бағдарламасы аясында "100 жаңа есім" жобасының жеңімпазы, сценарист-режиссёр, Нью-Йорк киноөнері академиясының магистранты Айдие Айдарбековпен кездесу өтті

Астана қаласы #74 мектеп-гимназиясында 24 қазан күні мектеп кітапханашысы Ақерке Әділбайқызының ұйымдастыруымен Елбасының "Болашаққа бағдар:рухани жаңғыру" бағдарламасы аясында "100 жаңа есім" жобасының жеңімпазы, сценарист-режиссёр, Нью-Йорк киноөнері академиясының магистранты Айдие Айдарбековпен кездесу өтті. Кездесу барысында бізге қонаққа келген ҚР Ұлттық музейінің экскурсаводы, "Мәдени мұра" журналының тілшісі Назерке Жақсылықова 100 жаңа есімнің мәні неде екенін түсіндіріп өтті. Іс-шарада Айдие Айдарбеков киноөнеріне бет бұруына не себеп болғанын, Қазақстан кинолары мен шет елде түсірген кинолардың айырмашылығын, қандай да болса өмірде ештеңеден мойымау керектігін мысалдар келтіре отырып айтып өтті. Ауылдан шыққан баланың қарапайым отбасында өсіп, өз еңбегімен, табандылығымен осынша дәрежеге жеткендігі-оқушыларға үлкен ой тастап, бағыт-бағдар берді деп ойлаймын. Кездесу барысында Айдие Айдарбеков түсірген киноларынан үзінділер көрсетілді.

Посмотреть новость на сайте учреждения

Вернуться к списку новостей

Комментарии