«Күз мереке, күз-береке»

Табиғат-күллі тіршілік атаулының қуатты қонысы, алтын ұя бесігі, құт берекесі. Береке әкелетін мезгіл-күз айы болғандықтан, адамдар « Алтын күз» деп баға берді. Бастауыш сынып оқушыларымен өткен іс-шараның басты мақсаты -оқушыларға табиғаттың күз мезгіліндегі өзгерістері жайлы балалардың білімдерін кеңейту, түсінік беру, өз ойларын ортаға салып көрсете білуге, табиғатты сүюге тәрбиелеу болды.

Берекелі, мерекелі

Келді жомарт алтын күз

Қалада да, далада да

Жанның бәрі жарқын жүз - деген өлең шумағын әр оқушы шаттана айтты. Осы іс-шара барысында «Күзгі бақ» әні, «Жапырақтар» биі көп орындалып, оқушылардың қызыққанын байқадық. «Табиғат сыйы»көрмесі, оқушылардың өз өнерлерін көрсетуі сәтті шықты. «Жапырақ теру», «Мақал-мәтелдер жалғастыр» ойындары да өз мақсатына жетті.

Күзге рахметтерін айтып, өз өнерлерін көрсеткен оқушылардың саны өте көп болды. Игілікті істер жалғасын таба берері сөзсіз.