Объектілік оқу-жаттығу жұмыстарының өткізілуі

Астана қаласы «Төтенше жағдайлар департаменті» ММ «Сарыарқа» ауданының төтенше жағдайлар басқармасының 2018 жылғы 3 қыркүйектегі №29-20-1-18-01-3/507-и хатына сәйкес «Ғафу Қайырбеков атындағы №2 мектеп-гимназия» мемлекеттік мекемесінде 12 қыркүйек күні объектілік оқу-жаттығу жұмыстары өткізілді.

Жаттығу өрт қауіпсіздігіне байланысты өткізілді. Мектеп бойынша Өрт қауіпсіздігіне қарсы объектілік оқу-жаттығудың өткізілуі туралы бұйрық шығарылып, жауапты тұлғалар тағайындалды. Өрт қауіпсіздігіне қарсы объектілік оқу-жаттығуды жүргізуге тиісті құрал-жабдықтар, әр сыныпты орналастыру орындары, эвукация сызбасы жасалып, таныстырылды. Эвакуациялық жаттығу барысында оқушылар мектептің екі қапталындағы баспалдақтардың оң жағымен (қабырға жағымен) бірінің артынан бірі түсті. Әр сыныпты пән мұғалімдері бастап жүрді. Сыртқа шығарда да 8-11, 5-7 сыныптар өздеріне тиісті есіктерден (басты есік және буфет жақтағы) шықты. Бастауыш сыныптары екі сырт жақта орналасқан қосалқы есіктерден шықты. Сыртқа шыққан оқушылар тізім бойынша түгенделіп, мектептің «Азаматтық қорғау» бойынша жауапты тұлғаға хабарланды. Объектілік оқу-жаттығуға мектеп мұғалімдері және 1647 оқушы қатысты.