Адамзат тарихындағы ең сұмдық соғыстың болып өткеніне 73 жыл толды. Бірақ Ұлы Жеңістің ұмытылмайтыны сияқты, соғыс та ұмытылмастай ізін қалдырды. Жеңіс күні – бұл сан мыңдаған ұрпақ үшін ортақ мереке. Бұл мереке – бейбітшілік пен қайырымдылықтың мәңгі жасампаздығын, Отанын қорғаған жауынгер-солдаттар мен офицерлердің айбыны, тылдағы Жеңісті жақындатқан жұмысшылардың ерлік еңбектерінің мәңгі өшпейтіндігін дәлелдейтін белгі болып қалмақ. Бүгінгі кешеніміздегі Жеңіс күніне арналған мерекеміздің басты мақсаты ұрпақтар санасынан ата-бабаларымыздың ерлігін өшірмеуге атсалысу болып отыр. Жас қырандықтардың дайындаған "Батыр Мәншүк" монологынан көрініс және сөзі: Жұмекен Нәжімеденов пен әні: Шәмші Қалдаяқовтың "Бейбіт күн тілегі" атты хормен басталған мерекелік кеш "Әке-асқар тау" атты әке мен бала топтық сайысына ұласты. Іс-шара өз деңгейінде өтіп, белсенділік пен атсалысқан ата-аналарымызға алғыс айтылып, марапатталды. Мереке құтты болсын! Еліміз тыныш, жеріміз бейбіт болып, әлемде соғыс болмасын!
