2 мамыр күні мектебімізде «Жас Ұлан бірыңғай балалар мен жасөспірімдер ұйымы» Республикалық қоғамдық бірлестігінің және мектеп Ұлан Басын тағайындауына арналған салтанатты іс-шара өтті. 7-11 сыныптардың оқушылар саны 446 оқушы. Соның ішінде сайлауға 420 оқушы, 20 мұғалім қатысты. Барлық үміткерлер сайлауда жеңіске жетпесе де, жасұландықтар қатарында басты орындар алып, әр түрлі салалар бойынша қызмет атқарады. VI орында 24 дауыс жинап «Жеті жарғы» бағытының көшбасшысы болып Тулегенова Айгерім, V орында 27 дауыс жинап «Атамекен» бағытының көшбасшысы болып Алпысбай Мұхамеджан, IV орында 48 дауыс жинап мектебіміздің «Еңбек» бағытының көшбасшысы болып Түсіпбекова Мөлдір, III орында 64 дауыс жинап «Эко-Әлем» бағытының көшбасшысы болып Ғабдуллина Жұлдыз, II орында 121 дауыс жинап Ұлан Басының бірінші орынбасары және «Отан» бағытының көшбасшысы болып Қантай Дияс, І орында 156 дауыс жинап мектебіміздің 2018-2019 оқу жылының Ұлан Басы болып Ұзақпаева Шапағат тағайындалды. Салтанатты іс-шарада мектеп директорының тәрбие ісі жөніндегі орынбасары Шабкенова С.Ж және ардагер ұстаз Есенбаева Р.Т. құттықтау сөз сөйлеп, бұрынғы Ұлан Басына және көшбасшыларға сәттілік тіледі. Мектебіміздің Ұлан Басына және бөлім көшбасшыларына көп үміт артамыз!
