2018 жылдың 14 ақпаны күні Астана қаласы №48 мектеп-лицейінде Гумилев атындағы Еуразия Ұлттық Университетінің ғалымдарымен кездесу болып өттті. Кездесуге Еуразия Ұлттық Университетінің механика кафедрасының меңгерушісі, физика-математика ғылымдарының докторы Ибраев Асқар Ғазизханұлы, жоғары математика кафедрасының меңгерушісі физика-математика ғылымдарының кандидаты Идрисов Жұмабай Молдақадырұлы,алгебра және геометрия кафедрасының меңгерушісі PhD (философия докторы) Қозыбаев Данияр Хайбилдаұлы, педагогика ғылымдарының кандидаты, доцент Сарсекеев Абдрахман Сапарович қатысты.
Кездесуді мектеп директоры Қазақстан Республикасы білім беру ісінің үздігі Садықова Зауре Жақанқызы бастап ашып берді.Мектебімізде бұған дейін де Елбасымыздың жолдауы негізінде көптеген іс-шаралар жүргізілді.Соның ішінде математика, физика, информатика пәндері апталығы аясында «Рухани жаңғыру» бағдарламасының ішінде нақты пәндерге қатысты мәселелер туралы ғалымдардың пікірлерін тыңдау мектеп бітіргелі отырған 11 сынып оқушылары үшін өте пайдалы болды. Сонымен қатар , мамандық таңдау кезінде толық шешім қабылдай алмай отырған болашақ түлектер үшін ғалымдармен кездесудің әсері керемет болды.Оқушылар өздерін ойландырып жүрген көптеген сұрақтарына жауап алып,қуаныштарында шек болмады.Кездесудің соңында мектеп директорының ғылыми істер жөніндегі орынбасары Момынқұлова Алтын Момысқызы қонақтарға өз алғысын білдірді.
Посмотреть новость на сайте учреждения
Официальное сообщество школы-гимназии №3 города Астаны
