Астана қаласы ЭКСПО-2017 көрме орталығында 31.01.2018 жылы «№68 орта мектеп» КММ-нің 7,8,9,10 сынып оқушыларының қатысуымен тарих, физика, география, биология пәндері бойынша саяхат сабақтары өтті. Осы сабақтарды өткізудегі негізгі мақсат:
1851 жылдан бастау алып келе жатқан дүниежүзілік көрмелер тарихы және 2017 жылы Қазақстанда өткен ЭКСПО көрмесі туралы білімдерін тереңдету;
Оқушыларды қоғам жаңалықтарынан және өзгерістерінен тыс қалмауға баулу;
Баламалы энергия көздерімен таныстыру;
Оқушылардың функционалдық сауаттылықтарын, шығармашылық және сыни тұрғыдан ойлау дағдыларын дамыту.
Сабақ барысында оқушылар жаңартылған энергия көздерінің пайдалану саласындағы жетістіктері мен қолданудағы олардың артықшылықтарын, экологиялық тазалығын және бұл энергия көздерінің қоршаған орта зиянсыздығын түсіне алды. Қазақстан-2030 таза ауасы мен мөлдір суы бар таза және жасыл ел болуы тиіс. Сондықтан да ертеңгі күні энергия тапшылығына тап болмас үшін біз «Болашақтың энергиясын» дамытуға міндеттіміз.
