Тарих мекеніндегі тарих пәні

2 ақпан күні Қазақстан Республикасының Ұлттық мұражайында «Туған жер» жобасы аясында 84 мектеп-лицейінің тарих пәні мұғалімі Акетова Алия Балтабаевнаның бастауымен 5 «Г» сыныбында «Сақ тайпалары» тақырыбында саяхат- сабақ өткізілді.

Сабақ барысында оқушылар жас зерттеушілері ретінде патша қорғандарынан табылған баға жетпес тарихи құндылықтармен танысты. Оқулық беттерінен алған білімдерін толықтыруға мүмкіндік алған оқушылар аңдық стильде жасалған бұйымдарды, Алтын Зал, Берель қорғанынан табылған безендірілген жылқылар мен Алтын киімді адам сынды ерекше эуспонаттарды көріп ерекше әсер алғандарын жасыра алмады. Оқушылар үшін өте пайдалы әрі әсерлі сабақ болғаны сөзсіз.