ҚР Тұңғыш Президенті күніне орай «Көшбасшы - оқушы» интелектуалдық конкурсы өтті

Астана қаласы Білім басқармасы мен «Астана дарыны» өңірлік ғылыми-практикалық орталығының ұйымдастыруымен 10-11 сынып оқушылары арасында ҚР Тұңғыш Президенті күніне орай «Көшбасшы - оқушы» интелектуалдық конкурсы өтті. Конкурсқа бас қаланың жүзден жүйрік, мыңнан тұлпар шыққан оқушылары қатысып, терең білімді ой-өрісінің кеңдігімен әділқазылар мен көрермендерді таңқалдырды.
Елбасы Н.Назарбаев «Ұлт болашағы – білімді ұрпақ қолында» деген сөзі бүгінгі жас ұрпақты үлкен жауапкершілікке жетелейді. Жас ұрпақтың білімі мен білігін шыңдайтын осындай жарыстар –бүгінгі күннің қажеттілігі. Жоғары дәрежеде өткен конкурсты ұйымдастырушы «Астана дарыны» орталығына оқушылар мен ата-аналардың алғысы шексіз.
Осы сайыста елорданың тамыры тереңде жатқан Ж. Жабаев атындағы №4 мектеп–гимназиясының 11-сынып оқушысы, мектеп мақтанышы Бауыржанқызы Ақжан жүлделі I орынға ие болды. Жан-жақты білімі мен сөз саптауы, сахнада өзін-өзі ұстауымен ерекшеленген шәкіртіміздің болашағы жарқын, шығар биігі асқар болсын демекпіз.