«Тәуелсіздік шежіресі» атты тарихи сахналық қойылым
Мектебімізде Тәуелсіздік күніне орай «Тәуелсіздік шежіресі» атты тарихи сахналық қойылым ұйымдастырылды. Қазақ халқының басынан кешкен қиын-қыстау заманнан бастап, бүгінгі күнге дейінгі аралықты қамтыған қойылым көрермендерге ерекше әсер етті. Негізгі рөлдерді жоғары сынып оқушылары сомдады. Іс-шара барысында өнерпаз оқушыларымыз би билеп, патриоттық әндер орындап, жиналған қауымның көңілінен шықты. Мектеп директоры Баяхметбаева Күнімбала Ізтөлеуқызы мерекемен құттықтап, қоғамдық пәндер бірлестігіне алғысын білдірді. Кеш соңында мектебіміздің ардагер ұстазы Жакенбай Шәріпхан Қажытайұлы құттықтау сөз сөйлеп, өз шығармашылығынан тәуелсіздікке арналған өлеңін оқыды.
