«Рухани жаңғыру және Алаш қозғалысы» атты әдеби-сазды кеш

            Мәңгілік Ел идеясымен сабақтасып жатқан Алаш Орда үкіметінің құрылғанына 100 жыл толып отыр. Осы орайда мектебіміздің салтанат залында «Рухани жаңғыру және Алаш қозғалысы» атты әдеби-сазды кеш өтті. Оқушылар Алаш қайраткерлерінің өлеңдерін жатқа оқып, көрермендердің қошеметіне бөленді. Кеш барысында Ахмет Байтұрсынов пен ұлт көсемі Әлихан Бөкейханов туралы бейнесюжеттер көрсетілді. Жиналған қауым мектебіміздің оқушылары қойған «Міржақып» спектаклінің бейнежазбасынан үзінді тамашалады. Жез таңдай әншілеріміз патриоттық әндер шырқады. Ардагер ұстаз, Қазақстан Республикасы Білім беру ісінің еңбегі сіңген қызметкері Ысқақов Тілеубек Ысқақұлы және мектебіміздің алғашқы директоры болған Жакенбай Шәріпхан Қажытайұлы Алаш қайраткерлері туралы мағлұматпен бөлісіп, келе жатқан Тәуелсіздік мерекесімен құттықтады. Мектеп директоры Баяхметбаева Күнімбала Ізтөлеуқызы мұғалімдерге алғысын білдірді.

 

 

Посмотреть новость на сайте учреждения

Вернуться к списку новостей

Комментарии