22.11.2017 ж. «Қыс мезгіліндегі сақтық шараларын қамтамасыз ету» мақсатында, күзгі-қысқы ауа райының күрт өзгеруі кезіндегі апатты жағдайлардың (жылу жүйесінің, су құбырларының жарылып кетпеуін, ғимараттың қардан, тайғақ жолдардан тазартылуы, балалардың толық қатпаған мұздан, шойын жолдан өту кезіндегі т.б.) алдын алу сақтық шараларын ұйымдастыру мақсатында Астана қаласы Төтенше жағдайлар департаментінің аға лейтенанты Оразхан Б. мектебіміздің 10-11 сынып оқушыларымен кездесіп, апатты жағдайдан сақтану, оның алдын алу, алғашқы көмек көрсетудің түрлері туралы ақпарат беріп, ой бөлісті.

Сонымен қатар, «Құтқару міндеті – мейірбан жандарға лайық» ұранымен өз курсанттарын оқытып жатқан ҚР ІІМ ТЖД Көкшетау техникалық институтының да жұмысымен таныстырып, «Өрт қауіпсіздігі», «Төтенше жағдайларда қорғау», «Азаматтық қорғаныстың әміршіл тактикалық күші» мамандықтары бойынша жоғары білімді, білікті офицерлерді даярлайтын орталық екендігі таныстырылып, осы мамандықтар бойынша оқуға түскісі келетін оқушыларды оқуға шақырды.

Чтобы оставлять комментарии авторизуйтесь