Мектеп оқушылары №2 өрт сөндіру бөліміне барды

            Жақында мектептің 8-сынып оқушылары Астана қаласындағы №2 өрт сөндіру бөлімінің мұражайына барды. Оқушылар ең алдымен ұжым туралы түсірілген бейнебаянды тамашалады. Мұражай меңгерушісі Құралай Тұяққызы өрт сөндірушілердің ерен еңбектері, ерлік істері, өрттен адам жанын құтқаруда қаза болған қаһармандарымыз жайлы талай құнды мәліметтер айтты. Мұражайда өрт сөндірушілердің арнайы киімдері, көрсеткен ерліктері үшін алған орден-медальдары, түрлі оқиғалардың фотосуреттері сақталған. Өз қызметі барысында ерлікпен қаза тапқан 5 батыр ағаларымызға арналған бөлме ашылған. Бөлмеде сол азаматтарымыздың арнайы киімдері, құжаттары, қойын дәптерлері ,медальдары сақталған екен. Өрт сөндіру машинасы, оның жұмыс істеуі туралы ақпарат алып, өрт сөндірушілердің демалатын, тамақтанатын бөлмелерін, жаттығу жасау залдарын аралады. Кездесу соңында оқушылар ұжыммен естелік суретке түсті.











Алғашқы әскери дайындық пәнінің мұғалімі: Құлбатыр Б.А.

Посмотреть новость на сайте учреждения

Вернуться к списку новостей

Комментарии