Мектебіміздің спорт залында Қазақстан Республикасының тұңғыш президенті күніне арналған «Үздік мәдениеттілік – ол спорт, шынығу мен денсаулық!» атты акцияға байланысты 7-сыныптар аралығында халық добы жарысы өтті. Оқушылар сайысқа белсене қатысып, спортқа деген қызығушылықтарын көрсетті. Әділқазылар алқасының шешімімен барлық кезеңде ең көп ұпай жинаған 7 «В» сынып оқушылары жүлделі І орынға ие болды. ІІ орынды 7 «Б» сыныбының оқушылары алса, ІІІ орын 7 «Ә» сыныбының оқушыларына бұйырды. 7 «А» сыныбының оқушылары «Жеңіске деген жігері үшін» номинациясымен марапатталды.
