Күзгі демалыс кезінде 2-сынып оқушылары Қазақстан Республикасының Тәуелсіздігінің 25 жылдығына байланысты Ұлттық мұражайға саяхатқа барды. Мұражайды оқушыларға әдіскер Айгүл Нуриденовна таныстырды. Олар арғы ата-бабамыздың қолданған тұрмыс құралдарымен, қару-жарақтарымен танысты. Алғашқы адамдар тұрған үңгірге кіргенде, оқушылар ерекше таңғалды. Оннан астам залдарды тамашалап, еліміз бен жерімізді суреттер арқылы, заттар арқылы және сенсорлық экран арқылы танып білді. Оқушылар бұл күнді өте әсерлі әрі мазмұнды өткізді. 4-сынып оқушылары болса, Ұлттық академиялық кітапханаға барды. Кітапханада оқушыларға кітаптың тарихы түсіндірілді. Оқушылармен зияткерлік ойындар өткізілді. Кітапхананың жұмысымен танысып, кітапханашы мамандығы туралы түсінік алды. 5 "Г" сынып оқушылары "Мега" ойын-сауық орталығына барса, 6 "Б" сынып оқушылары "Арсенал" кинотеатрында қызықты фильм тамашалады.
