«Астана көшелерінің тарихы»

Елордамыз Астана қаласы күннен күнге қарқынды дамып, жаңарып отырады.Бұның бір жарқын көрсеткіші қалада пайда болған көптеген жана көше атаулары. Бүгінде көше атаулары 1000-ға жуық және олардың атаулары өткеннің бай мұрасы мен қазіргі заманның жетістіктерімен гармониялық үйлесім тапқан.

17 қазанда №31 мектеп-гимназиясында Астана қаласының әсем көшелеріне арналған іс-шара өтті. Іс-шараға 5-11 сынып аралығындағы оқушылар белсене қатысты. Оқушылар қаланың әсем көшелерін, олардың тарихын қабырға газетіне бейнеледі. Мектептің баспасөз орталығы да әсем қаламыздың тарихи көшелері белгіленген қабырға газетін ұсынды.

Бұл іс-шара оқушыларға қаламыздағы көше атауларының тарихымен жақын танысуға, өздерінің тұратын көшелерін жақын білуге мүмкіндік берді.

Көптеген қабырға газеттері ұсынылды. Олардың әрқайсысы әдемі және қайталанбас, бірақ ерекше атап кететін сыныптар бар. Соның ішінде: І орынды 10 «Б» сыныбы, ІІ орынды 10 «В» және 10 «А» сыныптары, ІІІ орынды 9 «В» және 8 «В» сыныптары иеленді.

Әрине, мұндай іс-шаралар оқушылардың ой-өрісін кеңейтуге, өз шығармашылықтарын тереңдетуге мүмкіндік береді.