«Тіл-тәуелсіз елдің тұтқасы» атты тілдер онкүндігі аясында колледждің қазақ тілі мен әдебиеті пәндерінің оқытушысы А.А.Искакова  Астана қаласы Ұлттық мұражайына тәуелсіз еліміздің 25 жылдығына орай колледжіміздің 1 курс қазақ және орыс топ студенттерін экскурсияға апарды.

Экскурсияның мақсаты - студенттердің дүниетанымдарын кеңейтіп, білім алушыларды өз елін сүюге, патриот болуға тәрбиелеу.

Мұражайда «Мәдени мұра» мемлекеттік бағдарламасы шеңберінде табылған көптеген құнды дүниелер бар. Студенттер Астана залы, Тәуелсіз Қазақстан залы, Ежелгі және орта ғасыр тарихы  залы, этнография залы, қазіргі заманғы өнер залдарын аралап танымдық ой-өрістерін кеңейтті. Музей дүниежүзілік стандарттарға сәйкес жабдықтармен жабдықталған мұражайдан студенттер үлкен әсер алды.

Әр келген мейманды жылы жүзбен қарсы алып тарихпен тілдесуге мұрша беретін осы музей студенттердің есінде мәңгілікте қалады деген ойдамыз.

Чтобы оставлять комментарии авторизуйтесь