Мектебіміздің салтанат залында Қ.Қуанышбаев атындағы Мемлекеттік академиялық қазақ музыкалық драма театрының әртістерімен кездесу өтті. Актерлерді мектеп директоры Жакенбай Шәріпхан Қажытайұлы таныстырды. Оқушылар келген қонақтарға сұрақтар қойды. Актер Молдахмет Аманжол Бөкешұлы мен актриса Жүсіпова Гауһар Айдаржанқызы ән айтып, ҚР еңбек сіңірген қайраткері Төленбаев Жанқалдыбек Муфтиұлы және әдебиет бөлімінің меңгерушісі Әбілов Мирас Әбілұлы өлең оқып, қызықты әңгімелерімен бөлісті. Мектеп қабырғасында болған қызықты оқиғаларын айтып, жиналған қауымды қуанышқа бөледі. Рухани тағылымы мол кештен оқушылар жақсы әсер алды.
