Тілге тағзым – адамгершілік пен ақиқаттан
«Тілге тағзым – адамгершілік пен ақиқаттан»
22.09.2016ж. №59 мектеп-лицейде «Өзін-өзі тану» РАББ бағыты бойынша «Тілге тағзым – адамгершілік пен ақиқаттан» атты қалалық іс-шара өтті. «Тілге - тағзым, елге - тағзым», «Адам болып келдің бе, адам болып кет» дегендей, мектеп директоры Жұмабекова А.А . алғы сөзімен басталды.
Іс-шараның мақсаты: өзін-өзі танудың рухани-адамгершілік білім беру бағыты бойынша оқушыларды мейірімділікке, сүйіспеншілікке, жанашырлыққа баулу. Сонымен қатар оқушылардың мемлекеттік тілге деген сүйіспеншіліктерін, тілдерді игеруге деген құштарлықтарын ояту, оларды пилоттық мектеп ретінде адамгершілікке тәрбиелеу.
Бұл қалалық деңгейде өткен іс-шарамыз үш тілде өткізілді. Оқушылар іс-шара барысында, әсіресе, көріністегі ана мен бала ортасындағы қақтығыстар, кешірмеу, әр түрлі ситуациялардан шыға алмау т.б. сәттері көрсетілді. Осыған орай көрермендер мен сахна арасында сұрақ-жауап көпірі ұйымдастырылды. Залда отырған оқушылар ұйып тыңдап, қызықты ситуациялық сұрақтарға жауап берді. Пікірталас тудырып, өзара ой бөлісті. Рухани-адамгершілік білім беру және тәрбиелеуде бес құндылық бар. Олар: ақиқат, сүйіспеншілік, дұрыс әрекет, ішкі тыныштық, қиянат жасамау. Осы құндылықтардың барлығы мектеп оқушыларының белсене көрсеткен көріністегі іс-әрекеттерінен байқалды. Мереке соңында оқушылардың көздері күлімдеп, жүздері жылып, өте жақсы көңіл-күймен үйлеріне тарасты.
Рухани-адамгершілік білім беру және
тәрбиелеу ісі жөніндегі директордың орынбасары: А.З. Барменова
Посмотреть новость на сайте учреждения
Вернуться к списку новостей
Комментарии
