2015 ж. қазанның 22-де № 24 орта мектептің 8-11 сынып оқушылары арасында «Біз жемқорлыққа қарсымыз» ұранымен баскетболдан мектепішілік турнир өтті. Турнирдің  ұйымдастырылуы мен өткізілуіне мектептің өзін- өзі басқару ұйымының спорт министрі Кабдуллин Жаксылык пен денсаулық министрі Турсунбаева Юлдуз жауапты болды. Турнирге қыздар мен ұлдар  тобынан 10 команда қатысты және  ойынның қорытындысында дене шынықтыру пәні мұғалімдері бір команда шығарып, мектеп оқушыларымен қызықты  ойын көрсетті.

Турнирдің салтанатты ашылуына мектеп директоры Сүндетов Ғ.Н. қатысып, мектеп оқушылары «Есіл» ауданы бойынша спорт жетістіктерімен алдынғы орындарда көрінетіндігін  айтып кетті. Өз сөзінде командаларға сәттілік тіледі.

Мектепішілік турнир жоғары деңгейде өтті. Дене шынықтыру пәні мұғалімдері Аяпбеков М.Б., Жукубаев М.М., Каресов А.Е төрешілер қатарынан көрінді. Командаларға жанкүйер болып келген оқушылар өз ойыншыларын қолдап, ұрандарын айтып, әр  соққан ұпайға қол шапалақтап отырды.

Турнирдің қорытындысы:

Ұлдар командалары арасында І орын – 11 «А», ІІ орын – 10 «А», ІІІ орын – 9 «Б».

Қыздар командалары арасында І орын – 11 «А», ІІ орын – 9 «Ә», ІІІ орын – 10 «А».

Жеңіс тұғырынан көрінген командап дипломдармен марапатталды.