2015 жылдың 20 қазанында "Туризм" бөлімінің студенттері үшін «ЭКСПО-2017» халықаралық көрме кешенінің құрылыс барысымен таныстыру экскурсиясы өткізілді. Экскурсия студенттер құрылыс-жинақтау жұмысының барысын бақылай алатын бақылау алаңында өтті.

Жалпы көлемі 174 гектардан тұратын көрме кешенінің территориясында халықаралық, тақырыптық павильондар, сондай-ақ, ойын-сауық және қызмет көрсету орталықтарынан тұратын 38 нысан салынады.  «ЭКСПО – 2017» құрылысына 8 құрылыс ұйымдары мен 5500 жұмысшы жұмылдырылған.

Кешеннің көрме аймағында диаметрі 80 метрлік сфера формасындағы Қазақстанның ұлттық павильоны орналасады. Бұдан басқа, бұл жерде халықаралық, тақырыптық, ойын-сауық және қызмет көрсету нысандары орналастырылады. Көрмеден тыс аймаққа конференц-орталық, пресс-орталық, жабық қала, тұрғын үйлер мен қонақ үйлер кіреді.

         ЭКСПО нысандары желдің, күннің және басқа да альтернативті көздердің күшімен "жасыл" экономикамен қамтамасыз етеді. Бұл көрменің тақырыптамасы - энергияның тұрақты көздерін басқарумен қамтамасыз етуді шешуге және тәсілдеріне қоғамның назарын аудару.

Бүгінгі күні 48 ел мен 10 халықаралық ұйымдар өздерінің «ЭКСПО – 2017» көрмесіне қатысатынын ресми түрде
растап отыр.

Чтобы оставлять комментарии авторизуйтесь