3 қазан ұстаздар күні қарсаңында біздің мектепте 11 сынып оқушыларының қатысуымен «Өзін – өзі басқару» күні ұйымдастырылды. Мектептің кіре берісінде оқушылар гүл шоқтарымен мектеп ұстаздарын қарсы алып, мерекесімен құттықтады. Барлық мектеп болып осы күнге дайындалдық. Дайындықта 11- сынып оқушылары көптеген мәселелер мен тапсырмалар орындауға тырысты. Оқушылар өздері беретін сабақтардан пәндерді таңдап, сабақ кестесін құрастырып, лауазымдарды бөлді. Мұғалімдер мен оқушылардың қолдауы және сабаққа тиянақты дайындалғандықтан сабақтардың барлығы «жақсы» мен «үздік» деген бағаларға ие болды. Ұстаздар оқушылардың дайындаған мерекелік концерттік бағдарламасын тамашалады. Өткізілген «Өзін-өзі басқару күні» шарасынан кейін оқушылар ересек адамның өмірі қиын екенін түсінді. Оқушылар тапсырылған шараға деген жауапкершілікті сезініп, мектептегі оқу үдерісінің кез-келген істеріне араласып, барлығын қадағалап жүрді. Осы күні оқушылар үшін қызықты да қиын күндердің бірі болып саналды.

Чтобы оставлять комментарии авторизуйтесь