«Өзіндік ашылу» дөңгелек үстелі

«Жас маман мектебінің» жоспары бойынша колледждің тәжірибелері аз мамандарының қатысуымен кезекті отырыс дөңгелек үстел түрінде өткізілді. Отырыс барысында жас мамандар өздерінің алдарына қойған 2015-2016 оқу жылғы мақсаттары мен өзекті мәселелерімен бөлісті.

Директордың ОӘЖ бойынша орынбасары Хасенова С.Е. мен әдіскер Нығметжанова Н.З. оқу үрдісіндегі қазіргі заманға сай әдіс-тәсілдерімен таныстырып, сабақтың құрылысы, өткізілуі жөнінде кеңес берді. Қазіргі дәстүрлі сабақтың ерекшеліктері және дәстүрлі емес сабақтың түрлері жөнінде пікір-талас ұйымдастырылып, әр жас маман өзінің тәжірибесінен болған оқиға, мысалдар келтірді.

Колледж психологы Ахметова Г.Е. жас мамандармен тренинг өткізді. Психологиялық жаттығулар арқылы жас педагогтар ашылып, өз ойларын ортаға салып, бірлесіп болып жатқан проблемаларына шешім табуға кірісті. Бұл отырыс жас педагогтарға әдістемелік көмек беріп, көңіл-күйлерін көтеруге мүмкіндік берді.