1-11 сыныптарда апталық барысында  «Денсаулық –байлық кепілі» тақырыбында сынып сағаттары өтті.  5 сынып оқушылары арасында «Ойла, ізде, тап» викториналық жарыс ұйымдастырылды. Оқушылар жеке  және топтық құрамда бақ сынасты, яғни  жұмбақтар мен сөзжұмбақтар шешу. Барлық тапсырмаларды үздік орындаған  5 «В» сыныбы мадақтама қағазымен марапатталды. Аға тәлімгер Каирбек О. мектеп медбикесімен бірлесеотырып 6 -7 сыныптарда «Ас- адамның арқауы» тақырыбында сауалнама жүргізді. 

 Сауалнама алу мақсаты: оқушылардың дұрыс тамақтану туралы ойлары мен пікірлерін білу. Сауалнамаға қатысқан 58 оқушының бәрі «Тамақтандыру адамның денсаулығын нығайтып, дене және ой қабілетін дамуына мүмкіндік береді» деген сұрағына  «иә» деп жауап берді. Сауалнаманың қорытындысы бойынша талдау жасалынып, мониторинг құрылды.

2015 жылы 4 қыркүйекте мектеп медбикесі Кеншимова Ж.Б. мектептің мәжіліс залында 1 сынып ата- аналарына «Манту және БЦЖ екпесі» туралы баяндама оқыды. Астана қаласы Тубдиспансер орталығының  фтизиопедиатр- дәрігері Мендыбаева Ж.Р. ата-аналарға  туберкулездің алдын- алудағы екпенің маңыздылығы туралы дәріс оқыды. Ата- аналар маманға түрлі сұрақтар қойып, дәрігер тарапынан тиісті жауаптарын алды.  

Дене шынықтыру пәні мұғалімі Подскребкина Н.А. 3- 4 сыныптар арасында «Веселые старты»  эстафеталық жарысын өткізді. Эстафета барысында оқушылар ұзындыққа секіру, доп лақтыру, тығылмақ және де басқа спорттық жаттығулар  орындап, белсенділік танытты.  З «В» сыныбы сүрінбей барлық сынақтардан өтіп, жеңімпаз атанды.