«Наурыз –берекем, наурыз-мерекем!»

Оқушылардың санасына халқына деген мақтаныш сезімін ұялату, ана тілін, оның тарихын, өнерін, мәдениетін қастерлеуге қазақтың салт-дәстүрлері туралы білімдерін кеңейту мақсатында өткізілген тағылымды іс-шара өз мақсатына жетті. МЕРЕКЕ мектептегі барлық оқушылардың «Ұлыс оң болсын, ақ болсын! Ұлыс бақты болсын,төрт түлік ақты болсын!» десіп, өткенге салауат айтып, келер күннен береке тілеп адал жүрекпен құшақтарын айқастыруымен басталды.

Бастауыш сыныптарда « Ата салтым-асыл қазынам», орта буын сыныптарында «Қош келдің, әз Наурыз!», жоғары сыныптарда «Армысың, Жыл басы!»тақырыптарында өткен мерекеге ата-аналар да өз үлестерін қосты. Қарт аталар ақ батасын беріп, оқушыларға өнегелі өсиеттерін айтты. Ерекше үлгіде тағылым сағаттарын өткізген бастауыш сынып мұғалімдері, өз ауылдарын мерекеге сай безендіріп, нақыл сөздер жазған. Ұлттық тағам түрлері тіпті көп болды. Басқа сыныптарда айтылған ұлттық ән мен би өте әсерлі шықты.

Мектеп оқушылары бұл мерекеде әр ұлттың өзіндік ерекшелігі болатынын

білді. Халқымыздың әдет-ғұрпын,дәстүрін,тарихын білу,оны қастерлеу-

борышы екенін жете түсінді.

Наурыз келді,жайраң қақты таң күліп,

Жап-жасыл боп кетті дүние жаңғырып,

Жақсылыққа жаршы болған Наурызым,

Сен өмірдің көктемісің мәңгілік-

деген ақын ойының куәсі болдық.