17-19 ақпан күндері аралығында Ұлттық Дельфийлік ойындар бағдарламасы бойынша ІХ қалалық «Шаттық-2015» байқауы болып өтті

Асыл-тастан, өнер жастан,

Шығады деп дарынды,

Халық айтса, халық сөзі,

Әрқашанда нанымды,-

демекші, Астана қаласы бойынша 17-19 ақпан күндері аралығында Ұлттық Дельфийлік ойындар бағдарламасы бойынша ІХ қалалық «Шаттық-2015» байқауы болып өтті. Байқауға Астана қаласы бойынша 96 колледждер мен мектептер қатысты. Жалпы байқау Қазақ хандығының-550 жылдығы, Қазақстан Ассамблеясының 20 жылдығы, Ұлы Отан Соғысының 70 жылдығына арналды.

Қаламыздың әр мектеп-колледждерінен келген өнерлі жастарымыз бен оқушыларымыз өз бақтарын әр түрлі номинациялар бойынша сынап көрді.

Аталмыш байқауға біздің мектебіміздің оқушылары мен жетекшілері де ат салысып, жүлделі орындарға ие болды.

«Театр» жанры бойынша М.Мағуиннің «Бір атаның балалары» қойылымын дайындап, апарған көркемдік жетекшісі қазақ тілі және әдебиеті пәнінің мұғалімі Құрмашева Мәдина Әбдікәрімқызы мектебіміздің қоржынын «Күміс» медальмен толықтырса, «Хор» жанрының жетекшісі - Мустапин Х.Н, «Ансамбль» жанрының жетекшісі - Мөңкебаев Марат Жарылқасынұлы, «Алтынай» би тобының жетекшісі - Сураганова Бақытгүлдер өздерінің дарынды шәкірттерімен бірге «Дипломант» иегерлері атанды.

Мектеп ұжымының атынан аталмыш жетекшілер мен оқушыларға алғыс білдіреміз. Жетекші Құрмашева Мәдина Әбдікәрімқызының еңбек кітапшасына алғыс жарияланды.

Болашақта еліміздің биік шыңдарынан көрінеді деген ниеттеміз. Сіздерге шығармашылық табыс тілейміз.

Қазақ тілі және әдебиеті пәнінің мұғалімі-Онор Алтынгуль