Астана қаласындағы қазақ тілді мектептердің арасында аудандық М.Мақатаев оқулары Білім басқармасының ұйымдастыруымен 2015 жылдың 10 ақпаны күні сағат 10.00-де  № 58 мектеп-гимназиясында болып өтті.

М.Мақатаев оқулары үш номинация бойынша өткізілді.

- «Қасиетіңнен айналайын, қара өлең» номинациясы бойынша ақынның өлеңдерін жатқа мәнерлеп оқу

- «Кең дүние, төсіңді аш, мен келемін, алынбаған ақым бар сенде менің» номинациясыбойынша ақынның өмірі мен шығармашылығына зерттеу жұмыстары.

- «Болашағым, сен тұрсаң, мен өлмеспін!» номинациясы бойынша жас ақындар мүшәйрасы.

Әділ қазы алқасының құрамында Евразия ұлттық университетінің ақыны – Қамаева Сәруар Аблашқызы, Білім басқармасының әдіскер – Қаламова Махаббат Ермекбайқызы, №48 МЛ қазақ тілі мен әдебиет пәнінің мұғалімі – Капшаева Гүлшат Аблашовна, №40 орта мектебінің қазақ тілі мен әдебиет пәнінің мұғалімі – Өмірбек Бекмұраттар болды.

М.Мақатаев оқуларына Сарыарқа ауданы бойынша № 2, 3, 7, 9, 15, 34, 40, 49, 56, 58, 67, 68 мектептерінен оқушылар қатысып,  дипломдармен марапатталды. 

М.Мақатаев оқуларының соңы музыка мектебінің дәстүрлі ән сыныбының ұстаздары мен мектеп оқушыларының концерттік бағдарламасына ұласты.

М.Мақатаев оқуларына келген қонақтар мен әділ қазы алқасы №58 мектеп-гимназиясының әкімшілігі мен  қазақ тілі мен әдебиеті пәнінің мұғалімдеріне рақметтерін айтып, жоғары деңгейде өткендігі туралы өз пікірлерін жеткізді.

 

 

Чтобы оставлять комментарии авторизуйтесь